Colaboradores
- 1
- 2
A Fundación VIDE lanza este xoves a preinscrición para os tres campus polideportivos de xuño e xullo nas Travesas e Samil
15 Maio 2023
A Fundación Vigo en Deporte lanza a preinscrición para os seus tres campus polideportivos, que contarán co apoio dos cadros técnicos dos principis clubs adscritos ao programa Siareiros. Este programa, que dá continuidade no verán ao prograna municipal de escolas deportivas, comezou no ano 2000 e por el xa pasaron milleiros de nenas e nenos.
Ler máis...O programa VIDE en Futuro, de récord este ano: 29 deportistas reciben unha axuda económica polos seus resultados 21-22
23 Decembro 2022
A Fundación Vigo en Deporte bateu tódalas marcas de axudas ao deporte individual ao chegar a vinte e nove deportistas, dez deles mulleres, na súa novena edición das bolsas sub-23. O programa VIDE en Futuro, que se chama así dende o ano pasado, volveu repartir 20.000 euros e xa suma 180.000 dende 2014 para as modalidades individuais, dúos ou tríos.
Ler máis...
- Detalles
A Fundación Vigo en Deporte solicita aos VOVIS que o desexen a súa colaboración para acudir como voluntarios ao Gran Premio Pedestre de Nadal, a coñecida como Carreira do Pavo (Trofeo El Corte Inglés), que se disputará este domingo día 20 na Praza de Compostela a partir das 10:30 horas.
- Detalles
A carreira do século espera. O Gran Premio Pedestre de Nadal, a coñecida como Carreira do Pavo, disputarase este domingo dende as 10:30 horas na Praza de Compostela. O tradicional evento, iniciado en 1943 para categoría senior masculina e no ano 1964 para as mulleres, non só pon punto final ao ano atlético vigués, senón que esgrime unha dotación económica espectacular: hai 2.280 euros en premios en metálico para as categorías promesa-senior masculina e feminina da proba… e 3.600 euros en xogo para as seis categorías en disputa do Circuíto Cidade de Vigo de carreiras populares (promesa-senior masculina e feminina, F-35, M-40, M-50 e M-60), no que está incluída a proba da Alameda, que pon o colofón ao evento. É dicir, hai en xogo ao redor dun millón das desaparecidas pesetas nas competicións que se vivirán no empedrado da praza.
- Detalles
Diante dalgunhas dúbidas xurdidas sobre o tipo de inscrición para a última proba do circuíto de carreiras populares Cidade de Vigo, a Concellería de Deportes, a delegación viguesa da Federación Galega de Atletismo e a Fundación VIDE informan que para puntuar nas clasificacións das categorías do circuíto pedestre (promesa senior masculina ou feminina, F-35, M-40, M-50 e M-60) e para optar aos premios en metálico establecidos nesta primeira edición do circuíto de cinco carreiras, os atletas e as atletas deben inscribirse nas categorías correspondentes ao seu grupo de idade.
- Detalles
A Concellaría de Deportes do Concello de Baiona, Agrupación deportiva do Val Miñor e a Secretaría Xeral para ou deporte, como entidades encargadas da organización do XI Edición do Cross Escolar do Val Miñor, mostran a súa grande satisfacción polos resultados obtidos en liñas xerais polo desenvolvemento e organización do pasado XI Cross Escolar do Val Miñor, que a realizo o pasado Domingo día 13 de Decembro no antigo campo de fútbol de Santa Marta, en Sabaris.
- Detalles
O Circuíto Cidade de Vigo de carreiras populares definirase este vindeiro domingo na praza de Compostela coa disputa do Gran Premio de Nadal, a tradicional Carreira do Pavo, tras unha Subida ao Castro que logrou estreitar diferenzas na cabeza de varias categorías.