O acordo subscrito entre a entidade deportiva da que Carlos Álvarez é vicepresidente e o centro asistencial que dirixe José Ramón Santamaría inclúe a realización de estudios médicos preventivos, ademais de atender todas as necesidades derivadas da actividade física das xogadoras.

O Celta Baloncesto súmase así a outros equipos de elite deportiva que tamén confían os seus deportistas ao Hospital Nuestra Señora de Fátima. Na imaxe, e de esquerda a dereita, Ángel Quirós, xefe de Promoción do hospital e médico responsable da atención ás xogadoras célticas; Santamaría, xerente de Fátima; Álvarez e Carlos Colinas, primeiro adestrador do club.   

Todas as xogadoras do primeiro equipo de baloncesto feminino de Vigo pasaron xa satisfactoriamente un primeiro recoñecemento médico. Na presentación do acordo xa estivo tamén a brasileira Dantas, penúltima incorporación á espera de Traoré.