Colaboradores
- 1
- 2
O Torneo de Nadal de fútbol 8 arrincou con cheo de afeccionados e a primeira final vaise decidir no campo do Meixoeiro hoxe
27 Decembro 2019
Un cento de partidos, campos cheos, frío, emoción, equilibrio, luz artificial de última xeración para seguir sen dificultade os partidos nocturnos... A sétima edición do Torneo de Nadal Concello de Vigo arrincou este xoves cun maratón de encontros en categoría alevín para determinar esta tarde (17:20 horas, Meixoeiro) o primeiro campión do trofeo, que ademais accederá ao Super 6 do sábado no Municipal Pahiño.
Ler máis...A Fundación VIDE e Viaxes Zonda lanzan un novo sorteo co obxectivo de acadar 46.000 euros para os clubs do programa Siareiros
30 Outubro 2019
En marcha unha nova edición do tradicional sorteo dunha viaxe para obter fondos para os clubs do programa Siareiros. A Fundación Vigo en Deporte (VIDE) e Viaxes Zonda lanzan a quinta campaña consecutiva, con 46.000 euros en boletos para o sorteo dunha viaxe a Marrocos, Ceuta, Xerez e Alxeciras.
Ler máis...
- Detalles
O alcalde de Vigo presentou hoxe a edición 2019 da Vigo Cup, o torneo internacional de fútbol base que este ano vaise disputar do 24 de xuño ao 7 de xullo, coa primeira semana para o fútbol sala (24 ao 30), coma sucedeu os dous anos pasados, e a segunda para o fútbol 7 e fútbol 11. Un total de 241 equipos pelexarán polos títulos, dende sub-6 a sub-16 en fútbol sala, de sub-6 a sub-12 e féminas en fútbol 7 e cos sub-14 e sub-16 disputando o fútbol 11.
- Detalles
A Vigo Cup contará de novo con Hyupersa Vigo, concesionario oficial de Hyundai, entre os apoios privados dun evento que organiza a Fundación Vigo en Deporte por encargo do Concello.
O concelleiro de Deportes en funcións, Manel Fernández, pechou o acordo este xoves, polo que a firma surcoreana de automoción aporta ao evento un ciclomotor, un scooter KSR Classic 125, que será sorteado nas vindeiras datas. Para iso VIDE repartiu 20.000 boletos (entrégase cada un a cambio da donación de 1 euro) entre os clubs, que así poderán reducir sensiblemente o custo de inscrición no torneo.
- Detalles
A Agrupación Deportiva Vigo que preside Alejandro Costas amplía a súa oferta para o programa Vigo en Xogo. Para a tempada 2019/20 a organización destes torneos recreativos incluirá un campionato de fútbol 11 para xogadores de 18 anos ou máis á súa vasta proposta deportiva, pois o calendario xa comprende tres modalidades: fútbol 7, fútbol sala e baloncesto.
- Detalles
A Vigo Cup disputarase este ano do 24 de xuño ao 7 de xullo, no formato dos dous últimos veráns, e a Real Federación Galega de Fútbol manterá unha estreita colaboración co Concello de Vigo, impulsor do evento a través da Fundación Vigo en Deporte (VIDE).
- Detalles
Esgotadas as prazas para o campamento de VIDE nas Travesas, pero aínda non para o de Samil. Os campamentos polideportivos que organiza a Fundación Vigo en Deporte por encargo do Concello teñen confirmado xa o 80% das mesmas, con cupo cuberto no campus das Travesas (24-28 de xuño) e pouco máis de medio cento aínda libres no de Samil (8-12 de xullo). Os campus están dirixidos a nenas e nenos de 6 a 14 anos.