Vigo presentou o sábado na Feira Internacional de Turismo, Fitur 2010, a súa oferta turística “aspirando a que a nosa cidade sexa un destino de visita obrigado calquera día do ano”, segundo explicou na súa intervención o tenente de alcalde e concelleiro de Turismo, Santi Domínguez.

 

Nesa oferta figuraban dous eventos nos que a Fundación Vigo en Deporte ten peso direito: o X Forum FISU (21-26 de xuño) e os Campionatos do Mundo Universitarios (29 xuño-4 de xullo).

A relevancia das dúas citas deportivas quedou demostrada polo feito de que o tenente de alcalde nomeounas dentro dun pequeño grupo no que estaban a Festa da Reconquista, a Festa do Marisco, as Festas de Vigo, a Copa do Mundo de Saltos ou a Semana Náutica do Atlántico.