Colaboradores
- 1
- 2
Caballero di que a “épica” vai definir o Trail Montes de Vigo, en outubro dende Fragoselo e con “dureza extrema”
26 Setembro 2023
Abel Caballero, alcalde de Vigo, anunciou hoxe o regreso do Trail Montes de Vigo, o vindeiro 22 de outubro, despois de catro anos de ausencia da proba pola pandemia. As parroquias viguesas de Coruxo, Saiáns e Oia, ademais da de Chandebrito, en Nigrán, serán o escenario da competición, que o rexedor definiu como “épica” pola dificultade dunha carreira cun trail longo (24 quilómetros) e outro curto (15 km.), con desniveis de 1.500 metros. “É unha proba de dureza extrema”, resumiu Caballero, que dixo tamén que o evento ofrece “un discurso medioambiental e de atletismo”, baixo a organización da Mancomunidade de Montes de Vigo, que preside Uxío González, e co patrocinio do Concello.
Ler máis...O programa VIDE en Futuro, de récord este ano: 29 deportistas reciben unha axuda económica polos seus resultados 21-22
23 Decembro 2022
A Fundación Vigo en Deporte bateu tódalas marcas de axudas ao deporte individual ao chegar a vinte e nove deportistas, dez deles mulleres, na súa novena edición das bolsas sub-23. O programa VIDE en Futuro, que se chama así dende o ano pasado, volveu repartir 20.000 euros e xa suma 180.000 dende 2014 para as modalidades individuais, dúos ou tríos.
Ler máis...
- Detalles
Ao mediodía de hoxe venres esgotáronse as entradas postas á venda no despacho de billetes das Travesas para o encontro decisivo da Supercopa de España de fútbol sala. A taquillaxe posta á venda esgotouse en trinta minutos e o cheo absoluto está asegurado para o choque que xogarán esta noite (21:00 horas) o Xacobeo 2010 Lobelle santiagués e o ElPozo Murcia Turística.
- Detalles
O sábado 9 de xaneiro de 2010 celébrase no Pavillón do Club do Mar de San Amaro a terceira e última xornada da Liga Galega de Clubs -2009/2010 absoluta e sub-15 organizada pola Federación Galega de Bádminton e o Club do Mar de San amaro e que conta coa colaboración da Secretaria Xeral para o Deporte, o Concello de A Coruña e o Club do Mar de Santo Amaro.
- Detalles
VEO7 está a realizar unha firme aposta polo fútbol sala e a segunda semifinal, Inter Movistar-Xacobeo 2010 Lobelle de hoxe, estreará as retransmisións desta cadea coas semifinais da Supercopa de España.
- Detalles
O Concello de Vigo ofreceu hoxe unha recepción oficial aos equipos participantes na Supercopa (Inter Movistar, ElPozo Murcia, Xacobeo 2010 Lobelle e FC Barcelona) e aos representantes da Liga Nacional de Fútbol Sala. A Supercopa xógase en Vigo hoxe xoves e mañá venres, no pavillón das Travesas.
- Detalles
48 horas de fútbol sala sen interrupción. Iso suporá a celebración da Supercopa de España, que terá hoxe e mañá en Vigo, segundo informa a Liga Nacional de Fútbol Sala na súa páxina web oficial en internet (www.lnfs.es). Durante esas dúas xornadas, o mellor espectáculo non só estará presente na Pista Azul da LNFS instalada no pavillón das Travesas, senón que tamén se vivirá en todos os recunchos da cidade, mediante o desenvolvemento de distintas actividades que amenizarán as horas previas aos encontros.