Record de asistencia a un partido de fútbol sala en Vigo

supercopaaficionEsta Supercopa de España de fútbol sala, ademais de supor un “boom” televisivo pola nova forma de retransmitir os partidos desta modalidade a través de VEO7, supuxo un fito na historia deste deporte en Vigo.

As semifinais do torneo significaron bater os outros grandes encontros de fútbol sala celebrados nas Travesas na última década. A Supercopa do 2000, entre Caja Segovia e Playas de Castellón, levou ás bancadas 1.700 afeccionados; o partido internacional amigable de España fronte a Portugal, en 2001, obtivo a aprobación de 2.500 siareiros, e o España-Rusia amigable de 2006, de 3.000.

Nunca un choque levou tanta afección. Tampouco o logrou o desaparecido Cometal Celta na súa única presenza na máxima categoría da LNFS a tempada 2006/2007.