O Celta Indepo xógase este sábado (17:00 horas) na provincia de Lleida moitas posibilidades de tomar aire na loita pola permanencia. As de Miguel Méndez xogan enfróntanse á La Seu, penúltimo clasificado, ao que avantaxan nunha vitoria (5-11 fronte a 4-12). Esta xornada 17 será ademais de gran transcendencia porque os catro de abaixo, Celta incluído, miden forzas entre si.

O Celta viaxou o xoves á noite a Cataluña e o Olesa (4-12, antepenúltimo) vai a Pamplona, onde lle espera o pechacancelas, Obenasa (3-13) coñecendo cando se enfronten (19:00 horas) o resultado da Seu. Para as galegas a vitoria sería un paso fundamental, pero en caso de derrota o basket-average será igualmente relevante. As viguesas venceron por 73-60 na ida e non perderon contra ningún destes rivais. De feito, catro dos cinco triunfos que conseguiron esta tempada producíronse ante Obenasa (dúas), Olesa e La Seu.

Nas Travesas e Navia, as celestes rendibilizaron as súas vitorias ante rivais directos. Fóra quédanlle dous choques, este e, na xornada final (a 26, o sábado 2 de abril), visitar Olesa do Mar. O problema respecto deste desprazamento é a historia: o Celta venceu en tres das sete ocasións que mediu forzas co La Seu como local... pero xa hai pouco máis de cinco anos do último triunfo na cancha catalá, o 19 de novembro de 2005 (59-67). Como Celta Banco Simeón, Miguel Méndez gañou dúas veces (novembro de 2001 e novembro de 2003), e como Celta Vigourbán foi Carlos Iglesias o que gozou do triunfo desde o banco visitante (2005, tamén en novembro).

Agora non estamos en novembro e o certo que o Celta, como Indepo, perdeu sempre nesa pista, aínda que por curta marxe. Gañar ou, polo menos, non perder a diferenza de 13, obxectivos do Indepo. A historia di que oito vitorias son suficientes (salvo nunha oportunidade). Imporse na Seu sería un paso de xigante.