O concelleiro de Deportes, Xabier Alonso, presentou hoxe martes a primeira edición da Copa de España de Grupos Show, Trofeo Cidade de Vigo, de patinaxe artística.
O novidoso evento celebrarase os días 1 e 2 de abril (venres e sábado) no pavillón central das Travesas.
O nacionalista (na imaxe, á dereita co vicepresidente Pachi Comesaña, do Coruxo, no centro) suliñou que esta nova competición, que se disputa dúas semanas despois do Campionato de España, reunirá a máis de 500 deportistas de 11 federacións autonómicas, das que a catalana e a galega son as máis numerosas con 21 e 12 grupos, respectivamente.
"Dende a Concellería de Deportes estou encantado de que a nosa cidade sexa sede dun novo campionato", afirmou Xabier Alonso, polo que expresou os seus parabéns ao Coruxo F.C. pola organización da proba. O concelleiro de Deportes destacou que o patinaxe é unha das disciplinas deportivas que conta "cunha base extraordinaria na cidade", polo que considerou que a proba será un "éxito rotundo".
O concelleiro asegurou que será un espectáculo "dunha estética impresionante", que conxuga a coordinación das coreografías coa técnica propia da patinaxe. Fixo un chamamento aos vigueses e viguesas para que se achegen ao pavillón das Travesas para gozar da competición. Ademais, expresou a súa confianza de que Vigo repita como sede do campionato, "porque tanto o Coruxo como a cidade teñen demostrado a súa gran capacidade organizativa", destacou.
O vicepresidente do Coruxo F.C., Pachi Comesaña, agradeceu ao concelleiro de Deportes o seu apoio á celebración do campionato. Explicou que na proba participan catro categorías, os grupos pequenos, con 21 agrupacións; os grupos grandes, os xuvenís e os cuartetos, con 8 agrupacións en cada unha delas. "Trátase dunha proba moi relevante, xa que os participantes xóganse a súa clasificación para o Campionato de Europa", afirmou.
Quen non lembra as organizacións do Carpa polo Campionato de Europa de patinaxe en 2002, a Gala Mundial organizada polo 25 aniversario do club en 2007 ou o Campionato de España de grupos grandes? Agora de novo volven os grandes eventos á cidade, da man do Coruxo FC.
Para a sección de patinaxe do Coruxo esta é a terceira gran proba logo de asumir o Trofeo Cidade de Vigo en 2006 en Bouzas (individual libre e grupos show) e o 64 Campionato de España infantil nas Roteas en 2009.
Os adestramentos comezan este xoves pola noite e o venres competirán os grupos xuvenís (18:15) e os grupos grandes (19:15). O momento máis espectacular chegará o sábado polo número de grupos participantes; os grupos pequenos encherán de colorido o Central (17:00) e pecharán a xornada os cuartetos (20:00).
Nas probas hai catro clubs vigueses, Carpa Grupo Viqueira (grupos pequenos), Coruxo FC (grupos grandes, cuartetos), CPA Valladares (grupos grandes, grupos pequenos, cuartetos) e Patín Vagalume (cuartetos), e da provincia están o Ánfora cangués e o CPA Ribex do Porriño. Carpa e Vagalume pertencen ao programa Siareiros Base da Fundación VIDE.
O concelleiro asegurou que será un espectáculo "dunha estética impresionante", que conxuga a coordinación das coreografías coa técnica propia da patinaxe. Fixo un chamamento aos vigueses e viguesas para que se achegen ao pavillón das Travesas para gozar da competición. Ademais, expresou a súa confianza de que Vigo repita como sede do campionato, "porque tanto o Coruxo como a cidade teñen demostrado a súa gran capacidade organizativa", destacou.
O vicepresidente do Coruxo F.C., Pachi Comesaña, agradeceu ao concelleiro de Deportes o seu apoio á celebración do campionato. Explicou que na proba participan catro categorías, os grupos pequenos, con 21 agrupacións; os grupos grandes, os xuvenís e os cuartetos, con 8 agrupacións en cada unha delas. "Trátase dunha proba moi relevante, xa que os participantes xóganse a súa clasificación para o Campionato de Europa", afirmou.
Quen non lembra as organizacións do Carpa polo Campionato de Europa de patinaxe en 2002, a Gala Mundial organizada polo 25 aniversario do club en 2007 ou o Campionato de España de grupos grandes? Agora de novo volven os grandes eventos á cidade, da man do Coruxo FC.
Para a sección de patinaxe do Coruxo esta é a terceira gran proba logo de asumir o Trofeo Cidade de Vigo en 2006 en Bouzas (individual libre e grupos show) e o 64 Campionato de España infantil nas Roteas en 2009.
Os adestramentos comezan este xoves pola noite e o venres competirán os grupos xuvenís (18:15) e os grupos grandes (19:15). O momento máis espectacular chegará o sábado polo número de grupos participantes; os grupos pequenos encherán de colorido o Central (17:00) e pecharán a xornada os cuartetos (20:00).
Nas probas hai catro clubs vigueses, Carpa Grupo Viqueira (grupos pequenos), Coruxo FC (grupos grandes, cuartetos), CPA Valladares (grupos grandes, grupos pequenos, cuartetos) e Patín Vagalume (cuartetos), e da provincia están o Ánfora cangués e o CPA Ribex do Porriño. Carpa e Vagalume pertencen ao programa Siareiros Base da Fundación VIDE.
Prezos. Para cada xornada haberá unha entrada única de 8 euros. Tamén hai a posibilidade de mercar un bono para as dúas xornadas por 10 euros. A venda anticipada rematou o luns e quen queira mercar localidades deberá ir ao despacho de billetes do pavillón das Travesas os días de competición.