Colaboradores

Logotipo Xuvenil de Teis
Xuvenil de Teis
Presidente:  Ruth Calvo
Oficina:  Núñez de Balboa, 12-3ºD 36208 Vigo
Liga:  Superliga 2 Feminina - Grupo A
Telefono:  635 213 721

Subcampeonas_gallegas_infantilO pasado día un as infantís do C.V. Xuvenil Teis xogaron a final ante o equipo de A.D. A Pinguela no campionato galego celebrado na cidade de Monforte. As de Teis clasificáronse para a final tras gañar en semifinais ao C.V. Pontevedra.

 

xuvenilDurante a pasada semana, disputouse o Campionato de España de voleibol de selecciones autonómicas en Valladolid, e onte pola mañá, disputouse a final entre as seleccións de Cataluña (campioa do CESA 2013) e Galicia, resultando vencedora a selección galega por 1-3.

 

O Xuvenil de Teis e o Club Vigo aportan cinco xogadores (catro chicas e un chico) para o campionato de España de Selecciones Autonómicas de voleibol para as categorías infantil e cadete, que se celebra dende hoxe ata o domingo en Valladolid.

 

xuvenil_fin_tempadaA tempada en Superliga2 rematou cun broche de ouro para as xogadoras do C.V. Xuvenil Teis ao conseguir unha elaborada vitoria, por un 3-2 ante o VP Madrid, e ratificar así a permanencia na categoría por méritos propios. A xornada, que se disputaba o sábado ás 18:00 horas para todos os equipos, comezaba cun primeiro set rápido e cómodo para as locais por un 25-15. O que facía presaxiar un partido rápido.

 

Na última xornada de Liga, o C.V. Xuvenil Teis estará pendente da súa permanencia na Superliga 2 de voleibol, nestes momentos o equipo que ocupa a undécima posición estaría salvado. Posto que as bases de competición da Real Federación Española de Voleibol, estipula que para grupos de competición de menos de 24 equipos (neste caso 12) só descende un equipo. Polo tanto a tensión estará en dous campos á vez, en Teis, onde o Xuvenil se enfronta ao VP Madrid (sábado, 18 h.), e no pavillón Emilia Pardo Bazán de Leganés, onde o último clasificado cvleganes.com que recibirá ao Volley is Life Grupo 2008.

 

Tras o bo xogo despregado nas últimas semanas polo C.V. Xuvenil Teis, conseguindo a segunda vitoria da tempada ao enfrontarse ao Fisiomás Zalaeta, non puido repetir a fazaña. As coruñesas, cuartas na clasificación, foron por diante en todo o desenvolvemento dos dous primeiros sets, así os resultados foron 25-19 no primeiro e 25-18 no segundo.

 

O Xuvenil Teis, despois de gañar na pasada xornada ao A.D. La Curtidora, desprázase esta fin de semana a Coruña para enfrontarse ao Fisiomás Zalaeta. O encontro será o domingo, no pavillón do Barrio das Flores. As xogadoras de Celso Veloso subiron o seu nivel de xogo, sobre todo melloraron a efectividade do seu saque. Mostra diso é que a capitana, Lorena Cruz, é a mellor sacadora da xornada con 9 puntos directos de saque no último partido.

 

XuvenilO traballo por fin deu os seus froitos e a segunda vitoria da tempada aterrou no pavillón de Teis. O pasado sábado e ante cen espectadores o C.V. Xuvenil Teis gañou por un 3-1 ao AD La Curtidora. O primeiro set, foi por diante sempre o equipo de Tei, comezando cun 4-0 co saque de Rosana Conde. Logo nos dous tempos técnicos o equipo local seguía por diante con parciais de 8-4 e 16-10. E foron capaces de conseguir a vitoria por un 25-21.

 

A vitoria da primeira volta non se puido repetir na visita do C.V. Xuvenil Teis a Torrelavega. Nos dous primeiros sets as locais fixeron valer a súa primeira posición na táboa deixando as de Teis con parciais bastante curtos. Un 25-14 no primeiro set e un 25-17 no segundo facían presaxiar un 3-0 rápido. Pero no terceiro set as xogadoras de Veloso colleron a iniciativa para apertalo un pouco as roscas ao líder. O set resolveuse cun apertado e longo marcador 30-28. As xogadoras de Teis seguirán intentando conseguir a segunda vitoria da tempada nalgún dos tres partidos de liga que restan.,

 

Derrota do Xuvenil Teis ante o Sant Boi por 0-3. Por segunda vez nesta liga, o partido do do pavillón de Teis tívose que trasladar ao pavillón de Coia que aguanta as inclemencias do tempo. Como nos partidos anteriores, a nota xeral foi que as locais dominaban no marcador ata o segundo tempo técnico e que a partir de aí o set se ofrecía amablemente ao outro equipo. O parcial no primeiro set foi o máis folgado para as catalás por 20-25.

 

Tras o partido na casa contra o RGC Covadonga o C.V. Xuvneil Teis repite xornada como local e enfrontarase ao Sant Boi barcelonés. O partido desprázase de hora e xogarase no pavillón de Teis a partir das 20:00 horas. As catalás ocupan a metade da táboa, nun cómodo oitavo posto, mentres que as viguesas seguen ocupando a última praza.

 

Xuvenil Teis segue plantando cara a todos os contrincantes que se presentan en Teis, sexa o décimo ou o segundo clasificado da liga. Esta fin de semana ante o RGC Covadonga tivo que suar a camiseta para poder levarse o partido por 0-3. Os tres sets foron moi apertados ata o punto 14 onde as asturianas se separaban aproveitando erros das locais.

 

Na xornada 17 da Superliga 2 feminina de voleibol, o C.V. Xuvenil Teis recibe ao segundo clasificado na táboa, o RGC Covadonga. As asturianas necesitan os puntos para colocarse por diante das de Torrelavega, e o equipo vigués necesita os puntos para poder saír da última posición da clasificación. O partido disputarase mañá, 22 de febreiro, no horario habitual das 18:15 h.  no pavillón de Teis.

 

A visita ao colista do C.V. Xuvenil Teis en Madrid non trouxo outra vitoria á cuadrícula viguesa e foron as madrileñas do cvleganes.com as que se adxudicaron o partido cun disputado 3-2 en 123 minutos. Aínda que as locais comezaron gañando por dous sets  cero e con parciais bastante axustados, 25-19 e 25-23. O segundo set deu paso á vitoria das visitantes por outro próximo 22-25, pero o set máis claro foi o cuarto onde as de Teis fixeron valer o seu ataque conseguindo un claro 16-25.

 

Grande partido o disputado na tarde do sábado no pavillón de Teis. As xogadoras do Xuvenil de Teis enfrontábanse ao CAEP Soria para esta competición (2-3) . Os primeiros compases do partido foron claramente para as xogadoras de Soria, con parciais de 1-8 e 9-16 nos tempos técnicos. Tras dous tempos mortos do equipo local o set decantouse para as sorianas por un 13-25.

 

O sábado a partir das 18:15 horas, se as condicións da pista o permiten, disputarase o partido que enfrontará ao C.V. Xuvenil Teis ao CAEP Soria. Á vista do tempo da última semana, non se sabe como responderá o chan do pavillón de Teis.

 

Os resultados apertados estanse a suceder nos últimos partidos do C.V. Xuvenil Teis, tras o 1-3 na casa ante o Volley is Life Grupo2008, esta fin de semana repetiuse o marcador ante o Tenerife Santa Cruz. Aínda que as xogadoras viguesas ocupan o último lugar da liga, dan a cara en cada un dos partidos.

 

As xogadoras do Xuvenil de Teis desprázanse esta fin de semana ata Tenerife para enfrontarse, o sábado a partir das 16:30 h, ao Tenerife Santa Cruz no Pazo dos Deportes desta cidade. Para a viaxe o equipo vai ser curto polo elevado custo dos billetes de avión e non dispoñer dun voo directo dende Vigo nestas datas.

 

A primeira hora do sábado comezou todo o problema para esta xornada de Superliga2 de voleibol feminino, ao recibir a xunta directiva do C.V. Xuvenil Teis unha chamada para informar de que o pavillón de Teis presentaba unha fina capa de auga na súa superficie que imposibilitaba a disputa da décima xornada de liga ante o Volley is Life Grupo 2008.

 

Este sábado ás 18:15 as xogadoras de Veloso recibirán a visita do equipo almeriense Volley is Life Grupo 2008. As andaluzas visitan Vigo e o domingo xogan en Avilés outro partido de liga aproveitando o deplazamiento ao norte da península. O equipo de Teis volve ocupar a última posición da clasificación, pero espera saír dela cunha vitoria. As andaluzas ocupan a quinta posición.