Colaboradores

Logotipo Club Vigo Voleibol
Club Vigo Voleibol
Presidente:  Guillermo Touza Rodríguez
Oficina:  Rúa Bolivia, 2 - 6º C 36203 Vigo
Liga:  Superliga 2 Masculina de Voleibol
Telefono:  986 480 231/667 546 006
Email:  clubvigovoleibol@gmail.es

cprincipe16Difícil o desprazamento e difícil o partido, pero cando mellor tíñano os vigueses, eles mesmos, por non saber resolver ou por facelo con erros, foron os que perderon o encontro que posiblemente lles significase dous ou tres puntos na clasificación.

 

ascensovigovoleibolEncontro de presentación do conxunto vigués ante os seus afeccionados onde os xogadores de Calafell non defraudaron ante un conxunto, como o portugués, que loitará para converterse no Campión de Portugal.

 

cprincipe16O Club Vigo Voleibol xogará un partido amigable diante do Vitória de Guimarães (Portugal) antes de comezar o campionato estatal este sábado.

 

cprincipe06_bEsta pasada fin de semana comezaron os encontros preparatorios de cara á próxima tempada do Club Vigo Voleibol desprazándose á cidade portuguesa de Viseu.

 

Receptor, atacante de catro, 1,96 de estatura, xogador que disputou 23 encontros coa Selección absoluta de España e que ten un longo percorrido en varios equipos de superliga, este é o perfil do novo xogador do Club Vigo Voleibol para a tempada 2010-11.

 
juanO Club Vigo Voleibol, do programa Siareiros Elite e que na campaña 2010/2011 xogará na Superliga, masculina renovou catro xogadores, sube definitivamente a un xogador do equipo de Segunda División, Borja Covelo, e fichou a Juan Guerrero, do campión de Liga CAI Teruel.

 
cprincipe16O Club Vigo Voleibol comezará a Superliga na súa casa, o pavillón de Coia, o vindeiro 23 de outubro, e rematará a competición tamén en Coia o 26 de marzo na xornada 22 contra o Barça. No seu regreso á máxima categoría, a escuadra que dirixe un ano máis Flavio Calafell retorna coa bitola de conquistar Liga e Copa na Superliga 2.

 
caixavigokO Club Vigo Caixanova proclamouse campión galego sub 15 e sub 17 de voley praia cos seus xogadores infantís, é dicir, con 14 anos de idade.

 

vigocaixanovadevoleibolmaioNa mañá de hoxe, a partir das 10,00 horas, comeza en Llanes (Asturias) o Campionato de España de Voleibol Infantil masculino, onde a nosa cidade e Galicia estará representada polo VIGO CAIXANOVA e que durará ata o próximo domingo día 16. O Campionato desenvolverase nos pavillóns de deportes de Llanes e de Pousada de Llanes.

 

O pasado sábado, no no Pavillón de Coia, disputouse o Campionato Galego de Voleibol Infantil onde o equipo do CLUB VIGO CAIXANOVA se proclamou Campión da especialidade.

 

O Club Vigo segue traballando en conseguir un patrocinador que lles permita a próxima tempada saír na máxima categoría do Voleibol Nacional sen os apuros económicos das dúas última tempadas.

 

Dous equipos de superliga enfrontábanse para dilucidar quen dos dous sería Campión e quen Subcampión da Supeliga 2 da tempada 09-10. Os vigueses perderan en Sevilla contra Cajasol nos seus dous desprazamentos e en Vigo gañaran sempre por un apertado 3-2. Este último resultado faría campión aos andaluces mentres que os vigueses deberían vencer por 3-0 ou por 3-1.

 

ascensovigovoleibolConseguiuse o obxectivo e rematan algúns sufrimentos dos vigueses. Os sufrimentos deportivos, dunha tempada enche de altibaixos e sobre todo de tensión, finalizaron con este resultado que lles dá tres puntos co que matematicamente xa están na máxima categoría do voleibol nacional, que é a categoría que lles corresponde, por historia e sobre todo por dedicación.

 

vigovoleibol1.2.10O Club Voleibol Vigo xoga este sábado no pavillón de Coia a penúltima xornada da fase de ascenso na Superliga 2. O conxunto que adestra Flavio Calafell ten opcións de facer dobrete esta tempada: se gaña os dous encontros en casa será campión, co que sumaría ao título obtido na Copa Príncipe de Asturias o campionato regular, xa que o líder Cajasol, que visita Vigo a última xornada, unicamente avantaxa aos vigueses nun punto.

 

Había moito temor a este desprazamento xa que nas dúas últimas visitas dos vigueses a Castellón perderan de forma clara. A estes antecedentes debemos engadir que na noite do xoves lle comunican ao xogador vigués Jorge Silva o falecemento do seu irmán en accidente de coche e saíu a primeira hora do venres a Caracas.

 

Non se lle poñen nada ben as cousas ao Club Vigo na súa loita polo ascenso esta tempada xa que esta derrota, aínda que o mantén na segunda praza, o afasta mais do líder, Cajasol, cando aínda faltan tres xornadas para finalizar esta fase.

 

Considerábase que este encontro podería dar unha idea das esperanzas dos vigueses de cara a conseguir o ascenso á máxima categoría, polo que ambos os dous equipos chegaban con certo nerviosismo propio dunha fase final na que cada punto vale o seu peso en ouro.

 

Esperabase complicado o partido, pero non para sufrir tanto, xa que dende o seu comezo todo foi sufrimentos, tanto dende a bancada coma dende os dous bancos. Encontro no que L'illa levou un punto pero mais por deméritos locais que por méritos visitantes. Os locais complicáronse a vida case dende o comezo e logo o que xa sabemos, todos a tremer e ninguén se atreve a arriscar, algo que foi o que aproveitaron os visitantes para levar ese punto que lles dá certa vantaxe de cara ao encontro de volta.

 

Na tarde onte, martes, o Secretario Xeral para o Deporte de Galicia. José Ramón Lete, estivo presente no adestramento do CLUB VIGO VOLEIBOL, co fin de felicitar persoalmente os xogadores, técnicos e Directivos do Club polo éxito alcanzado ao conseguir alzarse coa III Copa Príncipe de Asturias celebrada esta pasada fin de semana en Castellón.

 

vigovoleibolcopaprincipeO Club Vigo Voleibol é o novo campión de Copa Príncipe, xa que na final da terceira edición deste torneo disputada no pavillón Ciutat de Castelló o conxunto galego impúxose con absoluta solvencia (1-3 con parciais 20-25, 23-25, 25-20 e 19-25) ao ata entón campión, o CV Almoradí, como fixera na semifinal ante o Cajasol Juvasa sevillano (0-3).