Colaboradores

Logotipo  Vigo Rugby
Vigo Rugby
Presidente:  Ramón González-Babé Iglesias
Oficina:  1ª Travesía de Santiago de Vigo, 1 - 3º Izq. 36201 Vigo/info@vigorugby.es
Liga:  División de Honra B

rugby_ordiciaO Blusens Universidade de Vigo caeu ata o último minuto por 34 a 21 asediando na súa zona de 22 ao seu rival de onte, o Ampo Ordizia, que sentenciou no primeiro tempo. Os numerosos erros propios impediron chegar ao ensaio. O partido comezaba con dominio vigués que tomaba a iniciativa e avanzaba moitos metros coa dianteira, dirixidos por Simon, en lugar do lesionado Maguna.

 

Malia estar un posto por debaixo, Santboiana reforzouse en inverno, mellorando o seu xogo. O Blusens Universidade de Vigo deixou escapar un partido que había encarrilado, cando ao descanso gañaba por 16 a 6, nunha primeira parte que aproveitou moi ben o vento a favor de As Lagoas. Durante a segunda parte non puido anotar ningún punto, mentres que o equipo catalán apoiou 3 ensaios, 1 golpe e 1 drop goal para levarse o partido.

 

O Blusens Universidade de Vigo caeu o sábado ante o líder da competición, o VRAC Quesos Entrepinares, no seu desprazamento a terra pucelana pola 15ª xornada de liga por 35 a 24, nun partido que puido emparellar na segunda parte malia comezar perdendo dende moi temperán, xa que o conxunto local gañaba aos 14 minutos por 17 a 0, tras as patadas de Griffiths e os ensaios de Martín e Herrera.

 

Non é unha experiencia nova a deste sábado en As Lagoas Marocesende, como sucedeu na cuarta xornada ante o líder VRAC Quesos Entrepinares, Jeremy Simon dispuxo dun golpe de castigo a favor, tras unha grande xogada de pick and go da dianteira do Blusens Universidade de Vigo como última xogada do partido, non moi doado, que pasou entre os paus e que tras asubío final do árbitro serviu para gañar un partido vibrante que chegara ata ese momento con empate a 18.

 

lewisO Blusens Universidade de Vigo levou hoxe unha traballada vitoria ante o Getxo Artea RT nun partido que comezou gañando dende os primeiros minutos cando Jeremy Simon, o sábado pateador do equipo pasou o primeiro golpe de castigo aos 10 minutos. Unha nova cara do equipo vigués que consolida o seu xogo dos últimos partidos e no que todos souberon estar concentrados dende o principio, cometendo poucos erros.

 

joaquin_maguna_getxo_webO Blusens Universidade de Vigo continúa a súa preparación para o partido que disputará en As Lagoas o mañá ás 16.00 h ante o Getxo ARTEA RT, un dos equipos que máis se lle atragagoa en competición. Segundo palabras de David Monreal, "O equipo está con moitas ganas de volver xogar diante da afección viguesa despois de case dous meses sen facelo como local e un mes de parón ligueiro".

 

Logo do paron do Nadal reactívase a División de Honra co partido que xogarán en As Lagoas Marcosende (CUVI) o Blusens Universidade de Vigo co Getxo Artea RT, pola 13ª xornada de competición, o sábado 25 de xaneiro ás 16.00 h.

 

O Blusens Universidade de Vigo desprazouse a Ferrol para disputar en A Malata un amigable debido ao parón invernal da tempada mentres xoga a Copa do Rei, á cal o equipo vigués non se clasificou. O amigable de hoxe foi ante o Ferrol Rugby Club, o equipo no que xoga actualmente Francisco Usero "Pakito", que durante o mes de decembro xogou os seus últimos partidos en División de Honra no Blusens Universidade como reforzo temporal. Como mostra de agradecemento e nunha especie de homenaxe, o cadro universitario desprazouse a terras ferrolanas onde conseguiu unha vitoria por 74 a 17 ante o equipo local.

 

rugbyO Blusens Universidade de Vigo comezou os adestramentos do 2014 inmediatamente despois do ano novo, xa que Monreal e Mera convocaran aos xogadores dende o pasado xoves 2 de xaneiro. Os adestramentos retomaronse, onte, nas instalacións deportivas da Universidade de Vigo.

 

E é que o marcador ao descanso era de 17 a 10, nunha etapa na que o Blusens Universidade tivo unha abafadora posesión do balón, acorralando ao Cisneros nos seus 22, ademais cometendo moi poucos erros. Os dous ensaios do Cisneros viñeron por dous erros na falta de placaje na liña de tres cuartos, que aproveitaban ao máximo os hábiles xogadores locais, gañando moitos metros co balón na man, as poucas veces que dispuxeron del.

 

rugbyVence por 31 a 26 a Hernani nun partido que dominou no marcador de principio a fin. Malia pasar apuros ao final do partido, o Blusens Universidade conseguiu un importante triunfo en terras vascas que lle permite seguir ascendendo na clasificación ao décimo posto con 18 unidades, xa que adianta na clasificación ao UE Santboiana que queda con 15, tras caer por 29 a 5 ante El Salvador.

 

09_12_October_2013_TogetherEn representación do Blusens Universidade de Vigo, Anxo Fernández Ocampo visiou a directiva e os xogadores do Vigo RFC nas instalacións do club o pasado 12 de outubro. A visita tivo lugar durante o terceiro tempo do partido contra HSBC, con vitoria local por 22 a 19.

 

O Blusens Universidade rematou ao final cun resultado demasiado axustado para o que foi o desenvolvemento do partido, xa que chegou a ir gañando por 33 a 5. Algúns fallos defensivos permitiron ao Ciencias Cajasol levar 2 puntos bonus e continuar sumando puntos na clasificación.

 

placaje_pakitoTras chegar a un acordo con Francisco Usero e o permiso do Ferrol RC para a súa cesión, David Monreal poderá contar co xogador para os 3 partidos que o Blusens Universidade de Vigo xogará no mes de decembro, o deste sábado ante o Cajasol Ciencias, o de Hernani o 15 de decembro e ante Cisneros o 23 de decembro.

 

blusenselsalvadorBlusens Universidade de Vigo caeu o sábado no seu desprazamento a Valladolid ante o Cetransa El Salvador por un axustado 34 a 30, o que lle permitido obter dous puntos bonus, por caer por menos de 8 puntos e por conseguir 4 ensaios.

 

O Blusens Universidade caeu onte en As Lagoas Marcosende en partido pola oitava xornada da División de Honra por un axustado 5 a 3 ante un Bathco Independente que marcha agora na terceira posición na clasificación, e que sabe aproveitar ao máximo as súas fortalezas.

 

lewis_marshallO xogador Lewis Marshall, de 25 anos 186 cm e 94 quilos de peso, estará hoxe en Vigo para realizar o seu primeiro adestramento ás ordes de Monreal e estar dispoñible para a convocatoria do domingo, cando xogue o partido pola oitava xornada ante o Bathco Independente de Santander.

 

gijon_cupAs categorías inferiores do Vigo Rugby Club desprazáronse a Gijón para participar na cuarta edición da Gijón Cup  de rugby. Doce escolas referentes en España e unha inglesa congregaron 1.200 nenos e nenas baixo unha incesante chuvia e barro nos campos de Las Mestas, e alí chegaron 72 pequenos xogadores e xogadoras do club das categorías sub 16, sub 14, sub 12 e sub 10.

 

rugbyO mozo apertura neozelandés de 22 anos chega do seleccionado territorial de Manawatu, onde xogou os dous últimos anos e tras rematar TM Cup 2013 do seu país, logo de formarse como xogador en Waikato. É un bo pateador e entre as súas características destacan a organización da liña e unha boa distribución do xogo.

 

vigo_rugby_novembro_13Difícil partido era o que se lle presentaba ao Blusens Universidade no campo de Urbieta, en Gernika. O equipo vasco non ten o potencial da tempada pasada, na que participou en  europea, pero formou un equipo moi novo compensado con algúns veteranos, e en fronte estaba o Blusens Universidade, con varias baixas antes do partido, que se sumaron con saídas do campo por lesións ou golpes, tendo que ingresar algúns xogadores moi novos dende o banco como Ignacio Villegas, Yago Rodríguez ou Valentín Gutiérrez. Ante a lesión de Javier Abadía, David Monreal xogou un tempo completo no posto de flanker.