O Iveco Universidade Vigo Rugby desprázase a Getxo para disputar o terceiro partido da División de Honra B española. O equipo partirá en bus o sábado pola mañá coa idea de chegar á cidade vasca pola tarde e realizar un adestramento suave antes do importante do con Getxo Artea Rugby Taldea que marcha empatado a puntos co equipo vigués na segunda posición, ambos os dous con 8 puntos. O partido será o domingo ás 12.30 h no Campo da Cidade Deportiva de Fadura.

O partido preséntase disputado xa que o Getxo se reforzou con 3 xogadores maorís e vén de gañar a domicilio por 0-12 ao FC Barcelona, o equipo que a priori mellor reforzárase para esta tempada. O adestrador David Monreal non poderá contar para a partida cos terceiras liñas Juan Pablo Macedo e Iván Conti, o primeiro lesionado no ombro a pasada fin de semana, e o segundo no brazo nun adestramento. Norm Maxwell viaxará co criadeiro e exercerá de asistente do adestrador.

Comeza a Liga Galega Territorial

O Iveco Universidade Vigo Rugby "B" comeza a liga territorial galega nun compromiso contra ASD Gallaecius que debería disputarse en Santiago pero ante problemas xurdidos no equipo da capital galega disputarase no campo de Lagoas Marcosende (CUVI). A liga componse de 7 equipos galegos e finalizará a primeira fin de semana de marzo. Esta tempada, a diferencia da anterior, o adestrador do segundo equipo Diego Dolan, conta cun numeroso equipo de case 30 xogadores, onde poderá probar novos xogadores incorporados e ascendidos da categoría xuvenil.