Cabecera Vide

O Xuvenil viaxa a terras asturianas

Tras a soada vitoria e a inclusión de dúas xogadoras entre as mellores da xornada, Lucía Pérez como mellor bloqueadora e Lorena Cruz como mellor receptora da xornada, as xogadoras do Xuvenil de Teis preparan o seguinte desprazamento a Avilés para enfrontarse ao A.D. Curtidora.

Para este desprazamento Celso Veloso poderá contar con todas as súas xogadoras, mesmo con Rebeca que non adoita viaxar. O partido celebrarase no polideportivo Los Canapés a partir das 17:30 horas, o domingo as xogadoras asturianas recibirán ao Sant Boi.

As xogadoras viguesas esperan volver celebrar outra vitoria neste desprazamento.