Non se lle poñen nada ben as cousas ao Club Vigo na súa loita polo ascenso esta tempada xa que esta derrota, aínda que o mantén na segunda praza, o afasta mais do líder, Cajasol, cando aínda faltan tres xornadas para finalizar esta fase.

Tamén resaltar que os xogadores vigueses saían ao campo sabendo o resultado entre Castellón e Almoradí onde o conxunto visitante deu a sorpresa vencendo con comodidade, 0-3 nun feudo onde xa vencera na Copa Príncipe. Posiblemente este resultado o que fixo foi relaxar os vigueses xa que fixeron o peor encontro no que vai de tempada. A loita non existiu. Faltou acerto e sacrificio así como que se cometeron mais erros que nunca. O parón da semana pasada pasoulles factura xa que despois de preparar este encontro a conciencia non saíu nada do previsto. Agora queda esperar a que esta próxima fin de semana os vigueses sexan capaces de vencer en Castellón e desa forma tomar a senda do ascenso.

O encontro xa comezou con moitas imprecisións dos vigueses que no primeiro tempo técnico xa perdían de catro puntos, 8-4, pero mais por erros propios que por acertos do contrario. Cando os locais se ven con esa vantaxe xa tomaban ás para distanciarse dos visitantes e emprender a marcha cara ao triunfo.

O segundo set e malia o traballo dende o banco, as cousas non melloraron e seguían sendo os locais, sen facer un gran xogo eran capaces de que cometer menos erros e volver comezar con vantaxes dende o inicio do set. Unha pequena reacción visitante permitiu que se achegasen no marcador ata dous puntos, 12-10, pero isto non foi mais que un espellismo xa que novamente os erros visitantes, sobre todo en recepción e defensa, permitiron aos ocales distanciarse no marcador para levar este segundo set á súa cuadrícula.

O terceiro set foi mais do mesmo xa que mentres os locais seguían na mesma tónica de non fallar, os visitantes entraron nunha inercia de deixarse levar e posiblemente fose o set peor xogado de todo o encontro.

Foi un encontro raro por parte viguesa que agora deben pensar na súa responsabilidade de cara ao encontro que deben disputar o próximo sábado en Castellón contra outro aspirante ao ascenso. As cousas seguen moi parecidas á semana pasada xa que o único que marcha na clasificación é Cajasol mentres que Castellón segue manténdose a dous puntos dos vigueses, que seguen segundos. Todos esperan que o sábado poidan dar unha imaxe totalmente distinta á que onte domingo e sígase aspirando a esa tan desexado ascenso.

CAJASOL 3 CLUB VIGO 0
Parciais: 25-21 (26m.) 25-22 (27m.) 25-20 (26m.)
Cajasol: Dá Silva, Ederson; Santos, Nassini ,Pezuto e Morata. oVega. Tamén xogaron: Justiniano e Segura.
Vigo: Sánchez; Guidolin; Benassi; Branco; Diaz e Silva. Líbero Arroyo. Tamén xogaron; Zayas, Mahia e Justiniano
Árbitros; Cerrato e Gómez.
Pavillón Municipal de Dúas Irmás. 200 espectadores.