Malia perder con Teruel el Uorsa mantén a categoría

Imprimir

vigovoleibolO mellor do encontro produciuse unha vez finalizado o mesmo xa que se soubo definitivamente que Tenerife perdera 0-3 con Barcelona o que supón que o conxunto vigués mantén a categoría pase o que pase na última xornada de competición.

Unha vez coñecido a noticia os afeccionados que esperaron nas bancadas a finalización do encontro en Tenerife aplaudiron os xogadores locais que se mantiñan tamén á espera deste. Finalizou o sufrimento local que se viña arrastrando nas últimas xornadas e agora xa poden afrontar a Copa con moita mais tranquilidade. Cumpriuse a misión de, despois do ascenso da tempada pasada, manter a categoría e con todo o suspense do mundo xa a familia viguesa do Voleibol pode estar tranquila.

O encontro enfrontou dous equipos con dispares obxectivos e tamén con moita desigualdade nos seus respectivos equipos. O actual Campión de Liga de enfrontaba a un conxunto que estaba a sufrir e ao mesmo tempo moi pendente do que podía pasar noutros campos. Desta forma os vigueses non podían entrar no partido pero mais pola grande superioridade que mostraban os turolenses que polo empeño que podían poñer os xogadores vigueses. Pouca historia tivo este primeiro set xa que dende o comezo os visitantes se foron por unha diferenza de catro puntos 4-8, que logo aumentaron para non dar mais historia ao set que a do resultado final.

O segundo set foi moito mais entretido e os afeccionados puideron gozar un pouco do encontro e do traballo dos seus xogadores. As diferenzas xa non eran tan grandes e chegábase ao primeiro tempo técnico con dous puntos para Cai, 6-8. Esta diferenza mantívose case ata o final do set 18-20. A partir dese momento os grandes bloqueos visitantes fixeron e resto para finalizar o set con eses seis puntos de vantaxe.

O terceiro set foi moi similar ao anterior. Os vigueses traballaban en defensa e non querían saír cunha gran derrota, aínda que eran conscientes da dificultade que entrañaba facerlle fronte a un aspirante o título. Con todo as diferenzas se mantiñan nos dous puntos 7-9, que facían que se tivese algunha esperanza de poñerlle as cousas un pouco mais difíciles. Chegouse a un marcador apertado de 15-16 pero isto non era mais que un espellismo para todos xa que un tempo morto finalizou coas esperanzas de todos, xogadores e afeccionados.

UORSA 0 CAI TERUEL 3
Parciais; 12-25 (22m.) 19-25 (23m.) 18-25 (22m.)
UORSA; Branco; Galego; Silvio; Nenad; Mahia e Guerreiro. Libre Regueiro. Sen cambios.
TERUEL; Subiela; Hernán; Adoite; García Torres; Cáceres e Vermellas. Libre Efrón. Tamén xogaron: Machacón; Oroz e Lorenzo.
Árbitros: Torrent e Ventura.
Pavillón de Coia.-. - 200 espectadores.