Durante esta semana van chegando as xogadoras que comezan a pretempada baixo as órdenes de Carlos Colinas. Tras a chegada de Marina Delgado, a segunda será Leonie Kooij, aterrou onte en Vigo ás 16.50 no voo procedente de Madrid; e hoxe chegará ás 21.35 Maja Vucuroviv (en voo procedente de Barcelona) e por último, por estrada chegan Sara e Anna.

Demetress Adams ten previsto chegar o dia 1 ás 10.35 en voo procedente de Madrid.

Comezarán a pretempada, ademais da plantilla de Liga Feminina, xogadoras de categorías base para completar un grupo que aínda non pode contar con Traore e Dantas, competindo coas súas respectivas seleccións.

Avance do calendario de pretempada

A falta de poder pechar algún encontro máis nos próximos días, a columna vertebral do calendario de partidos amigables a disputar polo C.D.Bosco-R.C.Celta para a presente pretempada é o seguinte:

• 2011/09/14 Mércores. Perfumarías Avenida - Celta (Salamanca)
• 2011/09/21 Mércores. Vagos - Celta (Vagos-Portugal)
• 2011/09/24 Sábado. A.D. Cortegada - Celta (Vilagarcía de Arousa) - Copa Galicia
• 2011/09/28 Mércores. Arxil - Celta (Pontevedra) - Copa Galicia
• 2011/10/01 Sábado. Universitario Ferrol - Celta (Ferrol) - Copa Galicia
• 2011/10/05 Mércores. Celta - Vagos (Vigo)
• 2011/10/08 Sábado. Semifinais Copan Galicia *
• 2011/10/09 Domingo. Final Copa Galicia*