O Celta Caixanova enfrontarase este venres ao Ros Casares levantino en partido de cuartos de final do XXX Campionato de España junior de baloncesto feminino.
No día de hoxe o equipo galego tivo xornada de descanso, tras xogar martes e mércores.
As xogadoras de Miguel Méndez foron o segundo equipo en clasificarse, e lográrono o mércores tras o seu contundente segundo triunfo na competición.
A céltica María González Centeno converteuse na gran estrela do partido ao anotar 23 puntos (10/16 tiros de 2 e 1/3 triplos) e capturar 14 rebotes, ata alcazar 29 puntos de valoración nos 29 minutos que estivo sobre a cancha.
Hoxe xoves, o Cidade Ros Casares conseguiu a clasificación ao esmagar ao Isla Tenerife Nuryana, que terá que loitar polo 9º posto.
As valencianas asinaron un demoledor parcial de 24-8 no terceiro cuarto. O problema para o vencedor do cruzamento é que en semifinais lle espera, case con total seguridade, La Caja de Canarias, que está a gañar por malleira os seus partidos e é máximo favorito.