O programa VIDE en Futuro, destinado por Manel Fernández, concelleiro de Deportes e vicepresidente executivo da Fundación Vigo en Deporte, ás axudas para deportistas individuais sub-23, coñecerá en decembro os e as solicitantes beneficiados. Hai uns días que rematou o prazo de presentación de solicitudes e VIDE está a ordear, cotexar e valorar todas as propostas de subvención pola tempada 21/22. Hai anos que decembro ven sendo o mes de referencia para esta iniciativa de VIDE.

Como é tradicional, e dado que as bolsas de VIDE son incompatíbeis coas subvencións que outorga a Concellería de Deportes para o mesmo fin, ao longo do mes de decembro coñeceranse primeiro os apoios económicos de Deportes (50.000 euros destinados aos deportistas) e despois os de VIDE (20.000 euros para esta acción).

O concelleiro de Deportes aplaudiu a boa resposta dos deportistas ás dúas convocatorias, a meirande dende que o deporte vigués ten as dúas liñas de apoio. O programa de VIDE para sub-23 comezou en 2014 e ata agora investiu 160.000 euros en 111 deportistas. De feito, durante a pandemia mantivo as axudas.