O Academia Octavio cedeu ante o Alcobendas (29-24) o sábado ,a domicilio, na oitava xornada da División de Honra Prata de balonmán masculino. Os vigueses demostraron ser un equipo moi pelexón e loitaron durante todo o encontro, pero xa nos minutos finais, os de Quique Domínguez estaban ao límite e perderon os puntos.

A próxima xornada, os académicos recibirán o ARS Palma do Río en As Travesas. Será o sábado 16 de novembro ás 18 h. No descanso do partido sortearase, entre todos os siareiros da tempada 2012/13, o ciclomotor cedido por MOVISA, empresa patrocinadora da Fundación VIDE. O sorteo correrá a cargo do presidente da Fundación, Manel Fernández, e o xerente da empresa patrocinadora, Juan Luis Carro.