O Pilotes Posada, club do programa Siareiros Elite de VIDE e este ano na División de Honra Prata do balonmán estatal, abre hoxe venres a serie de amigables de pretempada que Quique Domínguez, o seu adestrador, ten preparado.

Será na Coruña, ante o OAR Cidade, equipo de Primeira Nacional, un chanzo inferior e que este ano será adversario en liga regular de Magope Seis do Nadal e Calfoncal Lavadores, novos equipos do programa Siareiros Elite de VIDE.

O conxunto académico viaxa coa totalidade de xogadores salvo o porteiro arxentino Maciel, que aínda non se incorporou á disciplina "rojilla". O encontro, no pavillón de San Francisco Javier, disputarase ás 21:00 horas e correspóndese co Trofeo Cidade da Coruña. O conxunto coruñés está dirixido por Pablo Aguirregabiria, que ten este verán a novidade da volta de Martín Cotelo tras un ano afastado da Coruña por motivos persoais e laborais. Ademais, o técnico herculino probará en varios postos da primeira liña ao internacional arxentino Ezequiel Pardales.

O seguinte compromiso do Pilotes Posada xa será o seu propio trofeo, o Cidade de Vigo, que na súa décimo oitava edición enfrontará aos vigueses co FC Barcelona o vindeiro venres día 20 nas Travesas.

Partidos de preparación:

13 de agosto. 21:00. A Coruña. San Francisco Javier. trofeo Cidade da Coruña. OAR-Pilotes Posada.

20 de agosto. Vigo. As Travesas. XVIII Trofeo Cidade de Vigo. Pilotes Posada-FC Barcelona.

21 de agosto. Porto (Portugal). Pavilhao Dragao Caixa. FC Porto-Pilotes Posada.

26 de agosto. Pontevedra. Pavillón Municipal. Cisne-Pilotes Posada.

28 de agosto. Baiona. Pavillón Municipal. VI Trofeo Vila de Baiona. Pilotes Posada-ABC Braga.

4-5 de setembro. Lalín. Copa Deputación.

11 de setembro. Lalín. Lalín-Pilotes Posada.