Na primeira comparecencia pública do presidente do Pilotes Posada, Javier Rodríguez, dende a enfermidade sufrida, o club vigués anunciou boas e malas noticias por igual.

O directivo vigués quixo abrir a rolda de prensa agradecendo o interese dos medios de comunicación e do mundo do deporte polo seu estado de saúde e afirmou que "volvín a nacer", tras superar un infarto cerebral a metade do pasado mes de xuño.

Co seu habitual sentido do humor, lembrou que esta era a "primeira rolda de prensa logo da resurrección".

O dirixente vigués informou aos medios de que conta coa alta médica e pediu desculpas por non poder atender o aluvión de chamadas de preocupación que recibiu desde que se soubo que estaba hospitalizado.

Dende a Fundación VIDE tamén nos satisface a súa recuperación.