Dúas cadeas de televisión envorcaranse coa Supercopa de España de fútbol sala, no pavillón central de Travesas os días 7 e 8 deste mes, para levar a Vigo a todos os recunchos do país. Esta vixésima edición, que promete gran espectáculo, será ofrecida por Teledeporte (canle temática de TVE) e VEO7, que se estrea no fútbol sala con este evento. O xoves, Teledeporte ofrecerá a primeira semifinal (Elpozo Murcia Turística-FC Barcelona), mentres que a segunda está reservada para VEO7. A final do venres será emitida por ambas as cadeas.

As dúas canles pódense sintonizar a través da Televisión Dixital Terrestre (TDT). A efectos de promoción da cidade, a cobertura televisiva suporá unha excelente publicidade para Vigo no Bicentenario da cidade como tal.