VIDE adica a súa campaña de Siareiros da semana ás “Balas vermellas” do Pilotes Posada

Imprimir

movisaNo concesionario de Movisa, grazas á amabilidade do seu xerente, Juan Luis Carro, dous xogadores académicos, Novica Rudovic, lateral esquerdo, e Josep Masachs, extremo dereito, pousaron primeiro cunha moto Derbi de 125 e 50 c.c. e despois en dúas da firma Vespa.

O Pilotes Posada disputa este sábado o seu partido da decimosegunda xornada de Liga Asobal ante o Pevafersa Valladolid, un dos equipos importantes da competición. Rudovic é o actual máximo goleador do campionato con 70 goles (6,36 de media) e o catalán Masachs é o terceiro, con 66 (6 de promedio). Os vigueses enfrontaranse nas Travesas ao terceiro clasificado, que ademais posúe a segunda defensa do torneo ligueiro.

O martes pola mañá tivo lugar a sesión fotográfica, á que acudiu tamén a directora-xerente da Fundación VIDE, Laura Magdalena, quen departiu cos xogadores. A campaña sae baixo o nome de "Balas vermellas" en honra á vestimenta “rojilla” do Pilotes e ao lema publicitario da marca Derbi (as novas balas vermellas), que serviu para ambientar a campaña publicitaria de Siareiros.