O Magope Seis do Nadal-Coia buscará esta tarde dar a sorpresa e meterse na fase final da Copa Galicia de balonmán. Enfróntase ao SD Teucro, no Pavillón de Coia, as 21.30 h. Os vigueses veñen de demostrar un bo nivel de xogo na súa eliminatoria contra o Conslar OAR Coruña.

O gañador deste partido xogará os vindeiros 7 e 8 de setembro a fase final. Os outros clasificados son o Frigoríficos do Morrazo Cangas, o Mecalia Novás e o Academia Octavio.