O Club Baloncesto Seis do Nadal - Coia organiza, hoxe e mañá, a Terceira Edición do seu Torneo de Baloncesto 3x3 nas pistas do Colexio Seis do Nadal - Coia.
O torneo contará cun total de 35 equipos que se inscribiron e marcará o inicio das competicións oficias da presente tempada 2013/2014. Na tarde de hoxe, saltarán á pista os equipos de categoría minibásquet, infantil e cadete; sendo na xornada de mañá, o turno da competición de categoría júnior e sénior.
Preto de 200 xogadores e xogadoras participarán nesta nova edición do Torneo. Los Padrinos, Vigo Eagles, Sedona Girls, Los Star, Los Pachangas, Rosalianos, La que se avecina, Bayonetas, Perros de Peleas, Rookies, Celsos ou Gregg Popovich son algúns dos nomes dos equipos participantes.
Hoxe, a partir das 16:20 horas, nas categorías minibásquet e infantil-cadete e mañá, a partir das 10:20 horas, na categoría júnior-sénior, darán comezo os partidos da competición nas pistas do Colexio Seis do Nadal, pistas que xa levan todo o mes de agosto sendo o escenario dos adestramentos de tempada, dun gran número de equipos do Club Baloncesto Seis do Nadal - Coia.