A Dirección Xeral de Xuventude e Voluntariado organiza o vindeiro 27 de novembro o I Encontro Internacional de Voluntariado Xuvenil, dirixido a todas as entidades de acción voluntaria xuvenil, asociacións xuvenís, persoal das OMIX e voluntarios en xeral interesados na materia.
O encontro pretende ser un foro de intercambio de ideas e experiencias entre as persoas implicadas no ámbito do voluntariado xuvenil, tanto desde a nosa comunidade autónoma como desde o Voluntariado europeo. Está prevista a participación neste encontro de mozos e mozas voluntarios e representantes de asociacións de Lituania, Holanda, Italia, Francia, Grecia, Rumanía, Polonia, Bulgaria, Hungría, República Checa, Letonia, Alemania, Bélxica, Turquía e Portugal.
Este encontro vai ter lugar o venres 27 de novembro no HOTEL CONGRESO (Ctra. A Estrada, Km. 3 de Santiago de Compostela) durante todo o día. Todos os interesados deberán inscribirse como participantes a través da páxina web www.voluntariadogalego. org, cubrindo o "Formulario de inscrición para o Encontro Internacional de Voluntariado Xuvenil 2009". O prazo de inscrición rematará 10 días antes do inicio do encontro. Para calquera consulta ou aclaración podes chamar ao Teléfono Solidario 900 400 800 ou poñédevos en contacto coa organización do encontro a través do enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo.. A confirmación da participación farase desde a organización do encontro achegando un correo electrónico ao enderezo facilitado na ficha de inscrición. A selección dos participantes será por rigoroso orde de inscrición, facilitando a participación do maior número posible de entidades e voluntarios.