Colaboradores
- Detalles
O complexo deportivo das Travesas, dependente da Concellería de Deportes do Concello de Vigo, mellora as súas instalacións. A Pista Vermella mudou o vello solo sintético por parqué flotante.
O custo da reforma do polideportivo no que teñen a súa base o Maniotas (ximnasia rítmica) e Bádminton Rachaplumas, entre outras entidades, foi duns 98.000 euros.
Iniciouse no verán para non interferir coas competicións e rematouse en menos dos tres meses previsto no prego de condicións.
- Detalles
Mañá sábado da comezo a tempada 2014/15 da Superliga Feminina 2 de voleibol. O Xuvenil de Teis vai presentar ao seu novo patrocinador, Secreto Galaico, marca de produtos galegos. Desta forma, a nova denominación do equipo vigués para a competicón será Secreto Galaico Xuvenil Teis.
- Detalles
O Academia Octavio únese á iniciativa promovida pola Federación Española de Balonmán e difundida a través dunha carta aberta do seu presidente, Francisco V. Blázquez, para conmemorar o Día Mundial da Loita contra o Cancro de Mama. Coincidindo a celebración desta xornada de concienciación co próximo partido do Academia Octavio (domingo 19 de outubro contra o Interestar Deporte Maristas Algemesí, 12:00 horas, As Travesas), o equipo lucirá na súa vestimenta un lazo rosa, símbolo desta causa.
- Detalles
O Peñasco retoma a súa actividade tras uns anos de parón por motivos económicos. O concelleiro de Deportes e presidente de VIDE, Manel Fernández, acompañou no día de onte ao club na súa posta de longo ante os medios. O Club de Fútbol Peñasco naceu o 14 de abril de 1931, sendo un referente do fútbol vigués, e cesou a súa actividade en competicións en 1992.
- Detalles
O pasado sábado 11 de outubro do 2014 o Club Baloncesto Seis do Nadal-Coia participou na actividade "Básket Solidario" organizada por Cooperación Internacional. Dita actividade á que foi convidada a entidade viguesa consistiu na disputa dun partido no Centro Penitenciario A Lama.