Carpa e CPA Gondomar, campións galegos en grupos show

Imprimir

cto grupos showO Carpa Grupo Viqueira de Vigo, co tema "Náufragos en terra" en grupos grandes, e o CPA Gondomar en grupos pequenos presentando "a Miña realidade" proclamáronse o sábado campións de Galicia de patinaxe artística nun pavillón de As Travesas que rexistrou uns 2.500 afeccionados nas súas bancadas.

Con oito grupos pequenos e seis grandes, a competición desenvolveuse nun ambiente extraordinario, completando o podio en grupos pequenos o C.D. Ourela ourensano, subcampión, e o Campus Stellae santiagués, terceiro. En grupos grandes, ao Carpa flanqueárono o Ribex Tui (segundo) e a Ánfora cangués (terceiro).

Á entrega de premios asistiron os alcaldes de Vigo e Gondomar, Abel Caballero e Paco Ferreira, o presidente de VIDE e concelleiro de Deportes, Manel Fernández, e a presidenta da Deputación de Pontevedra, Carmela Silva. Caballero agradeceu a presenza de clubs de toda Galicia e afirmou que este é un "magnífico deporte" no que Galicia conta "cos mellores".