Cabecera Vide

O Magope Seis do Nadal Coia perde ante o OAR e cae ao oitavo posto

O Magope Seis do Nadal Coia non tivo un bo día ante o OAR. Os vigueses perderon o encontro desputado na matinal deste domingo por 32-37 e caeron até a oitava posición. Foi un partido de dúas caras, aberto na primeira parte e de total dominio visitante na segunda. Durante os 15 primeiros minutos sucedéronse as vantaxes mínimas a prol dun e outro equipo. A partir de aí, o OAR pasou a ter o control do xogo e logrou irse ao descanso gañando de 4 tantos (12-16).

O equipo coruñés mantivo a súa vantaxe nos 10 primeiros minutos da continuación e rompeu definitivamente o partido cun parcial de 0-7 mediada a segunda parte que noqueou e deixou sen marxe de reacción aos vigueses (20-30, min 22). Ao final, vitoria incuestionable do OAR. Así a valoraba o adestrador do Magope Seis do Nadal Coia, Jorge Fernández.
"Foi un partido no que cometemos demasiados erros. Remontamos até o 20-23 (min 43), pero o esforzo necesario xa era demasiado grande para dobregar ao OAR. Lastrámonos a nós mesmos e puxémoslle o camiño fácil ao noso rival".

Germán Iglesias, con 8 tantos, foi o máximo goleador do Magope Seis do Nadal Coia. Jacobo Rodríguez anotou 7, Denís Estévez 4, Iván López 3, Pablo García 2, Diego Fernández 2, Alberto Novoa 2, David Costa 1, Adrián Leirós 1, Marcos Treinta 1 e David Alves 1.

O vindeiro sábado os vigueses desprázanse á cancha do Bm. Porriño Galserco.