O Magope Seis do Nadal Coia logrou en Redondela a primeira vitoria a domicilio da tempada tras imporse ao SAR por 28-29. A pesar do axustado do marcador final, o partido tivo cor visitante. Unha boa entrada en pista dos vigueses (0-3, min 4) permitiulles dominar o xogo e o marcador durante toda a primeira parte e marchar gañando ao descanso por 10-13, unha renda que mesmo se antollaba curta para o que estaba a amosar o equipo de Coia.

Lonxe de baixar o ritmo, o Magope Seis do Nadal Coia encarou a segunda parte con gañas de deixar sentenciado o partido canto antes. Chegou a adquirir unha renda de 6 goles aos 5 minutos da continuación que lle permitiu moverse en vantaxes de 4, 5 e 6 goles até os oigo últimos minutos (20-26, min 22).

Pero a partir dese momento a SAR aproveitouse da relaxación dos xogadores visitantes para tomar o control do xogo e cun parcial de 4-0 (24-26, min 25) meteuse no partido e compricoulle a vitoria aos de Jorge Fernández que souberon reaccionar a tempo para impedilo e sumar desa forma os seis dous primeiros puntos da tempada a domicilio. Un triunfo que lle permite subir á quinta posición.

Germán Iglesias, que materializou 12 goles, foi o máximo realizador do partido. Javier Freijeiro (3), Jacobo Rodríguez (3), David Costa (2), Denís Estévez (2), Iván López (2), Marcos Treinta (2), Pablo García (1), Adrián Leirós (1) e Diego Fernández (1) anotaron o resto para o Magope Seis do Nadal Coia.

A vindeiro xornada os vigueses recibirán en Coia ao OAR Coruña.