Eva Murio do CB Rachaplumas logra os primeiros títulos galegos da tempada

Imprimir

374cb rachaplumasfebreiro2011O domingo 27 de febreiro de 2011 celebrouse no Pavillón do Club do Mar de San Amaro de A Coruña o Campionato Galego sub-13 e sub-19 de bádminton coa participación dun total de 10 xogadores do CB Rachaplumas.

Os xogadores desprazados ao devandito evento foron:

Categoría sub-13: Ana Belén Salgueiro, Eva Murio, David Torres e Alberto Méndez.
Categoría sub-19: Natalia Mosquera, Carla Mouriño, Laura Valverde, Brais Vila, José Manuel Castro e Alejandro Rivadulla.

Eva Murio foi unha das grandes triunfadoras do Campionato ao lograr colgarse dous oros no Campionato Galego sub-13. Os éxitos foron na modalidade de individual feminino onde logrou o título ao derrotar na final a Clara Forte do CB Los Sauces por 21-10 e 21-1 e en dobres mixtos formando parella co xogador ourensano do Club Athlos, Miguel Abarbado que derrotaron na final á parella coruñesa do Club do Mar María Castro/José Manuel Gómez por 21-11 e 21-12.

Outro bo resultado conseguiuno David Torres en individual masculino sub-13, que perdeu en ¼ de final ante o coruñés Juan Manuel Gómez.

Na categoría sub-19, os xogadores vigueses non logran alcanzar os cadros principais. Esta categoría era máis ben preparatoria, xa que case todos eran sub-15, para o próximo Campionato Galego sub-15 que se celebrase en Vigo o 12 de marzo de 2011.