O adestrador do Academia Octavio os últimos 12 anos, Quique Domínguez, anunciou onte a súa marcha do club vigués nunha emocionada rolda de prensa na Fundación VIDE.
Acompañado dos capitáns, Fran e Cerillo, e do presidente, Javier Rodríguez, selou o final dunha relación de dezaseis anos -catro como xogador e doce como adestrador-. "Sentinme valorado, querido e respectado. É algo que levo moi dentro", afirmou Domínguez nunha multitudinaria rolda de prensa.
De xeito moi especial, o pontevedrés quixo agradecer cun ramo de flores as mulleres que o acompañaron na súa etapa no Octavio, na fotografía con Carmen, a muller do presidente.