Brillante participación do atleta vigués, Francisco Pérez Carrera, no Campionato do Mundo de atletismo en pista cuberta para minusválidos intelectuais, que se disputou na cidade francesa de Reims do 28 de febreiro ao 2 de marzo. Fran alzouse con tres medallas, dous de ouro, en 60 metros obstáculos e salto con pértega, e unha de prata, no relevo de España de 4 x 200 m. Ademais, recibiu un trofeo como recoñecemento á súa actuación global no Campionato.