Colaboradores

Logotipo Amfiv
Amfiv
Presidente:  José Antonio Beiro
Oficina:  Avda. Castrelos, 1 (I.M.D.) 36210 Vigo
Liga:  Nacional FDEMF de Baloncesto en Cadeira de Rodas
Telefono:  986 237 891/986 492 312
Email:  amfiv@hotmail.com

manel entrega viaxeO presidente de VIDE e concelleiro de Deportes, Manel Fernández, fixo entrega na mañá de hoxe da viaxe á República Dominicana cedida pola empresa patrocinadora de Siareiros, Viaxes Zonda, en presenza da súa Directora, Alice Martínez.

 

amfivO Amfiv pechou a tempada 15/16 cun novo triunfo ante o Joventut (77-33) para despedirse con bo sabor de boca da súa afección e poñer o punto e final a unha campaña na que o estraño sistema de competición condenou aos vigueses a disputar a Fase pola Permanencia, a pesar de contar con bastantes máis vitorias que outros conxuntos que están a pelexar polo título.

 

O MasVisión Amfiv B pechou a tempada cunha dura derrota na cancha do CAI Zaragoza (56-21) por culpa de un nefasto terceiro cuarto no que un parcial de 24-1 acabou coas esperanzas viguesas de concluír a campaña do seu histórico debut cun triunfo. O conxunto de Natxo Cabaleiro xa mostrara moitos problemas para atacar a agresiva defensa local no primeiro cuarto pero, polo menos, conseguira manter tamén controlado o ataque maño, evitando que o CAI puidese correr e anotar con comodidade.

 

lavadores seisO Academia Octavio logrou o sábado unha importante vitoria que lle permite seguir soñando coa salvación. Venceu ao Handbol Bordils (27-25) en Travesas e continúa último empatados a puntos co Cisne pero só a dous puntos do Amenabar e a tres do Nava, xa en zona de permanencia. Agora tócalles descansar ata o 16 de abril que viaxarán a terras vascas para enfrontarse ao Bidasoa Irún, segundo na clasificación.

 

amfiv txemaO Club Amfiv continuará unha campaña máis, e xa serán quince de forma consecutiva, na máxima categoría nacional do baloncesto en cadeira de rodas. A vitoria do Basketmi ferrolano ante o Joventut de Badalona permitiu aos vigueses certificar a súa permanencia na División de Honra a falta de disputar aínda dous encontros desta Fase pola Permanencia. Precisamente, o conxunto de César Iglesias recibirán este sábado no Pavillón Pablo Beiro de Bouzas a partir das 19.00 horas ao Basketmi.

 

amfiv O Amfiv deixa encarrilada a súa permanencia no último cuarto en Badalona (52-57), o conxunto de César Iglesias tivo que esperar ata os dez últimos minutos para distanciarse no marcador ante un pelón Joventut e conseguir así o seu segundo triunfo a domicilio nesta Fase pola Permanencia, unha vitoria que supón un paso case decisivo para a continuidade dos vigueses na División de Honra a próxima campaña aínda que terán que confirmala nos dous encontros a disputar no Pavillón Pablo Beiro.

 

mas visionO MasVisión Amfiv B a penas puido plantar cara durante os dez primeiros minutos ao invicto líder da Primeira División, un Servigest Burgos que ao descanso xa tiña totalmente encarrilado o partido (32-11) e que ata o asubío final foi incrementando lenta pero inexorablemente a súa vantaxe. O trío formado por Marcio Dias (14 puntos), Manu Somavilla (14) e Jorge Iglesias (16) foron un constante rompedeiro de cabeza para un conxunto vigués que, ademais, estivo excesivamente fallón ante o aro rival.

 

mosteiro bembriveAmfiv, Celta Zorka, Bembrive e Olivo gañan, Octavio, Las Cinco Jotas, Magope e Vigo perden e o do Blusens Networks suspéndese no descanso cando arrasaban cun resultado de 34-0, é o balance da fin de semana para os equipos Siareiros de elite nos seus encontros ligueiros. 

 

MasVision Amfiv BO MasVisión Amfiv B volveu a rozar coa punta dos dedos o seu histórico primeiro triunfo pero, unha vez máis, o filial vigués volveu pecar de inexperiencia nos instantes finais de partido ante un Bera Bera (52-56) que soubo aproveitar os erros locais para facerse con la vitoria.

 

MasVisionDespois de rozar de novo a súa primeira vitoria da tempada a pasada fin de semana en Zamora fronte ao Orto Tres Cruces (49-46), o MasVisión Amfiv B terá este sábado a partir das 17.00 horas no Pavillón Pablo Beiro un nova oportunidade de estrear a súa cuadrícula de triunfos. Porque os vigueses reciben ao Salto Bera Bera, equipo que lles precede na táboa clasificatoria e que só gañou un partido esta tempada, precisamente na primeira volta ante o MasVisión Amfiv B noutro encontro que se decidiu no último suspiro (62-56).

 

O MasVisión Amfiv B, como xa aconteceu no encontro da primeira xornada liguera, volveu rozar coa punta dos dedos un histórico primeiro triunfo que estivo a punto de chegar neste comezo da segunda volta na Primeira División na cancha do Orto Tres Cruces de Zamora (49-46). Os vigueses, despois dun bo primeiro cuarto no que tutearon aos zamoranos (15-14, min.10), acusaron no segundo parcial a exclusión do seu capitán Alberto Abalde e os locais aproveitaron os instantes de desconcerto para abrir unha pequena brecha no marcador que se mantiña ao descanso (33-22, min.20).

 

AMFIV BILBAO 1Vitoria do Amfiv, Magope, Olivo, Blusens Networks, Bembrive e Celta Zorka e derrota do Octavio, Las Cinco Jotas, Xuvenil e Vigo, é o balance dos equipos siareiros elite dos seus encontros de competición nacional disputados esta fin de semana.

 

Xuvenil pavillonÚltima fin de semana de competición liguera do ano para os equipos Siareiros elite, que se van de vacacións con sorte dispar nas súas cuadrículas. Tras o parón polas festas do Nadal, retomarán a competicion oficial a fin de semana do 9/10 de xaneiro, o Octavio, Magope e Cinco Jotas, Blusens Network, Olivo e Celta Zorka, e farano a seguinte fin de semana, a do 16/17 de xaneiro, o Xuvenil, Olivo, Amfiv e Bembrive.

 

AMFIV BASKETMI 4Catro equipos Siareiros de elite gañaron con facilidade. O sábado o Amfiv facíao no seu feudo fronte ao Abeconsa Baskemi Ferrol (80-40), nun encontro que estaba xa canalizado no primeiro cuarto e sentenciado no descanso. A vitoria permítelle aos pupilos de César Iglesias soñar con disputar a fase polo título.

 

III Torneo 3x3 Solidario 2O Colexio Salesianos foi o escenario este fin de semana do III Torneo 3x3 Solidario de Baloncesto en Cadeira de Rodas, unha iniciativa benéfica posta en marcha polo Club Amfiv, o Club Baloncesto Salesianos e a Asociación Juvenil Abertal para facer promoción do baloncesto adaptado entre as persoas sen ningún tipo de minusvalidez á vez que se recadan alimentos non perecedoiros para doar a la Operación Quilo.

 

3x3O Colexio Salesianos será o escenario esta fin de semana dunha nova edición, a terceira xa, do Torneo 3 x 3 Solidario de Baloncesto en Cadeira de Rodas, unha iniciativa benéfica posta en marcha polo Club Amfiv, o Club Baloncesto Salesianos, e a Asociación Xuvenil Abertal, para facer promoción do baloncesto adaptado entre as persoas sen ningún tipo de minusvalidez á vez que se recadan alimentos non perecedoiros para doar á Operación Quilo.

 

Octavio, Celta Baloncesto, Xuvenil, Vigo, Las Cinco Jotas, Amfiv e Blusens perderon nos seus respectivos compromisos ligueiros, só o Magope gañou no seu desprazamento a A Cañiza e o Bembrive que empatou en Valladolid.

 

O Celta Baloncesto sumou o seu segundo triunfo da tempada ante o Badajoz (48-63), Cristina Loureiro, con 21 puntos, e Laura Alonso, con 16, lideraron a vitoria das viguesas. Esta semana xogara a domicilio frente a Ciudad de los Adelantados.

 

Un afortunado lanzamento a taboleiro de Asier García no último segundo do tempo regulamentario condenou ao Amfiv a unha inmerecida prórroga na que os vigueses, xa moi xustos de forzas e de efectivos a ser expulsados por cinco faltas Karlis Podniex e Julio Vilas, caeron derrotados. Con anterioridade, o conxunto de César Iglesias fixera méritos abondos para facerse coa vitoria, nun grande partido colectivo tanto en ataque coma en defensa.

 

A falta de puntaría e o abafador dominio do rebote por parte do Getafe condenaron ao Amfiv a unha dolorosa derrota que complica moito o seu futuro dentro do esixente Grupo 1 da División de Honra de baloncesto en cadeira de rodas. Os vigueses víronse superados por un conxunto madrileño que aproveitou a permisividad arbitral para levar o encontro a un plano moi físico e, como xa acontecera sete días antes fronte ao Fundación Grupo Norte, ao descanso o partido estaba xa moi costa arriba (31-45, min.20).