Cabecera Vide

A gala dos "runners", a festa do Run Run Vigo, este luns no auditorio municipal de Praza do Rei

manel runA gala do circuíto Run Run Vigo terá lugar este luns 13 de febreiro no auditorio do Concello de Vigo (20:00 horas). Abel Caballero e o concelleiro de Deportes, Manel Fernández, presentarán o circuíto 2017.

O programa competitivo desta nova edición pasa de dez a nove probas, pero nesta festa do atletismo popular tamén hai recoñecemento para o atletismo en xeral porque "é unha festa de todos", explicou o concelleiro de Deportes, Manel Fernández.

Así, haberá premios para os podios da pasada edición (repiten como gañadores absolutos Daniel Bargiela e Ester Navarrete), pero tamén se homenaxeará a varios históricos do atletismo local e aos once atletas (nove homes e unha muller) que, de entre os milleiros de clasificados, fixeron todo o circuíto 2016.

A entrada é gratuita ata completar a capacidade do auditorio.