A Ría de Vigo será escenario esta fin de semana do Trofeo Aister, regata que se disputa nas modalidades de Solitarios e A Dos e que é puntuable para o Circuíto Galego e á presentación da cal acudiu o presidente de VIDE e concelleiro de Deportes, Manel Fernández.

Ás 11 da mañá deste sábado, un destacado elenco de regatistas da especialidade, tomarán a saída nas inmediacións da bocana de entrada ao porto deportivo de Bouzas, poñendo rumbo cara á boia de sinalización marítima de Subrido, nas proximidades de Cabo Home, para abordar o paso de Cíes pola Isla de Monte Agudo, trazando o percorrido de norte a sur respectando polo costado de babor Boeiro e a boia da Negra, próxima ás Estelas e Monteferro, sendo a súa meta o mesmo enclave que o de partida, Bouzas.

Ás 10.30 está prevista unha cea de confraternidade, para dar paso a continuación á cerimonia de entrega de premios.

En 2015, o vencedor na categoría de Solitarios foi Willy Caamaño, do Monte Real Club de Yates de Bayona, e que este ano intentará repetir a xesta a bordo do Alumisel, veleiro de lase J80 co que en datas recentes presentou o seu grande proxecto de tempada.