O programa municipal de escolas deportivas clausurou esta fin de semana seis modalidades (xadrez, bádminton, ciclismo, ximnasia acrobática, natación sincronizada e squash) con asistencia do presidente de VIDE e do IMD, Manel Fernández. Ao longo da tarde do venres e o sábado, máis de 400 deportistas converteron o complexo de As Travesas, Balaídos e a piscina do Carmen nun hervidero de exhibicións, que concluíron coa entrega do diploma acreditativo da realización do curso 2014/15 e un obsequio.

O edil de Deportes, Manel Fernández, animou os novos valores da canteira local a seguir desenvolvéndose como deportistas e persoas a través do programa municipal de escolas e fixo votos polos futuros éxitos dos clubs vigueses con esta nova xeración de valores.

Ao longo desta semana haberá vinte e catro eventos de peche de escolas de atletismo, baile deportivo, baloncesto, balonmán, deportes de combate, esgrima, hóckey a patíns, patinaxe artística, tenis de mesa, triatlón ou voleibol que englobarán máis de 3.000 nenos.

O sábado 30 será o día máis forte, pois entre outras disciplinas pola mañá (10:00) o Central de As Travesas vivirá o Día da Rítmica (800 deportistas), á mesma hora pero en Balaídos clausúrase o minibalonmano (300 participantes) e ás catro da tarde será a quenda para os deportes de combate en As Travesas (máis de 160 mozos de loita, taekwondo, judo e karate).